إقتحام المدرسه

مرّه من المرارير ..أيام الثانوي..

آخر سنه..

ولازم نجيب درجات زي الناس..

كان مديرنا أجودي..وولد ناس..

كل يوم يحط عندنا مراقبين بالإختبارات النهائيه يغضون البصر ...>يعني يغششون عشان آخر سنه

مره جانا مراقب مطوع...

وكان في مادة فيزياء ..

طول الوقت لاتغش ..طالع بورقتك؟...المهم قلنا له آخر سنه غض البصر يامسلم..قال لا

قلنا ...سو نفسك ماتدري وتكفى وتكفى..ودرقن درقن..عيّا

قلنا خلاص غير مع أي إستاذ ثاني...>مضبطين الباقين..قال لا..

طلع واحد من الشباب جواله وكلم المدير جوال وفهمه..

تهاوش مع المدرس الا المدير جاي..

حاول المدير بالمدرس رفض يطلع ماسكه معاه عناد..

خافوا الموجه يجي وخلّاه المدير

طبعا انا وشلتي سلمنا أوراقنا....> لأننا دجّه..

جبنا العيد..


تعلمنا درس إن الإعتماد على مدرس أو مدير وهو على خطأ ماينفع..

بكره كان كيمياء.\

تم الإجتماع بيني أنا وولد خالتي محمد وبدر زميلنا وبدر الثاني مايدرس بس صديقنا

قررنا نطمر على المدرسه..ونكتب على الطاولات براشيم..خصوصا ان فصولنا بالحوش..

جات الساعه 1 بالليل جهزنا كشاف وطلعنا...

طمرنا ثلاثه والرابع بالسياره يفتر على المدرسه..

دخلت انا وولد خالتي..

ونكتب..ونكتب..وخوينا بدر يراقب بالحوش..

شوي الا نسمع بدر يقول بندر بندر محمد تعالوا..تعالوا..


جينا إلا هو ماسك حصاه...وفيه شايب يقوله وش عندكم وش تسوون..وخوينا رافع يده عشان مايقرب..

والشايب حارس المدرسه..يبي الفكه بس يبينا بالصوت نهج..

المهم..كان فيه درام جنب الجدار حق الفصل..بثواني بس

إلا انا ولد خالتي برجل وحده على الدرام والثانيه على الجدار...

والا خوين طامر ورانا..

طبعا الدرام هذا كنت أول ماعرف..أطمر عليه مرتفع شوي..بالذات تفريكة بعد الحصه الرابعه....وذيك الليله من طمره وحده الا متساوي فوقه...ههههههههه

وحط رجلك .....>أقرب داعوس ..ننتظر سيارة خوينا تجي..

طبعا..بعد ماجا خوينا طلعنا معه..

وماتوفقنا بذاك الإختبار...>من الغش..

طبعا ولد خالتي ذكي ماهو محتاج الغش..بس انه لعّاب زيّنا..

تخرج بنسبة 95 ..ماشاء الله

المهم...

قبل ليلتين زواج خوينا بدر..موظف بالحرس الوطني.."الجهاد" في مكان ابوه
ولد خالتي..تخرج من كلية المعلمين بالدمام...والحين له اربع خمس أو سنين مدرس..

أنا ...........> تغيرت حياتي 180 درجه..عاقل جداً بس بقايا طيحات الجدران للحين براسي..ههههههه

وموظف محترم بأحد منشآت الدوله الصناعيه...

جاب الطاري رخص المعزا بالسوق هههههههههه

عفوا جاب الطاري...ولد خالتي..يوم..ذكرني فيها البارح..

مغامره وحيده ...