مـهـ ايط مواقع

حياكم الله وبيّاكم...

السالفه ومافيها... ولاحد يزعل..

واللي يبي يزعل يقلب وجهه

السالفه ومافيها...إني من الطفش سويت هالمدونه وانبسطت عليها وعرفتني بناس طيبين حبوبين زيكم...

بس من مهايطتي الزايده ومن حب الفضول..

شريت لي من حلالي علّه...

؟؟؟

قلت يامهايطي ليش ماتلبس بشت وتصير مدير موقع...

؟؟؟

بعد تفكير وتمحيص وتدقيق..>لاتطوفكم تمحيص هذي

قلت أسوي موقع جديد...؟؟؟ لالا موقع جديد يعني تبدأ من الصفر...

إذا كنت تبي من الصفر لازم تترجى هذا وهذا ومن هالكلام......>طبعاً الشيخ مهايطي ماتعود منذو نعومة أظافره وطفولته على الشحده

كنت مرفّه وعايش أحلى طفولهـ

مروق دااايم

أحب الأخبار العالميه... لأن كان عندي أسهم بدزني لاند.. وبـ ستريت وول معروف...

سوري عالفاصل الهياطي الصغير......>عوده بعد الفاصل..

المهم أقلبها براسي يمين يسار ...> واقرر أشتري موقع معبى فل.....> سواق تكسي الأخ

المهم أشتريت موقع وصاير فيها مدير...> من قدك

ويااااااااااااااااااااااااااااااااا ليتني ما اشتريت..

انواع المغص ... اعضاء بعضهم يدبل التسبد

وبعضهم يتشكى...

ومن أدخل وأنا أعدل وأضبط ..> ياشين المسؤوليه..

عجزت ألقى وقت لنفسي....> تكفى يامدير السي ان ان

المهم والزبده إني تورطت...

طيب أنتم وش دخلكم ؟؟ مدري

نسيت المدونه..

واروح لموقع واحد من أصدغائي...وألقى عنده توقيعي يوميات مهايطي...>تذكرتكم ..> نزلت دمعتي

وأنا أعيط...> لاحد يقول بنفسه كذاب ترى داري وش بخواطركم..

المهم الحين مبتلش... بس الحمدلله فيه مراقبين موجودين من أول عطيتهم الخيط والمخيط..وأنا داير على حل شعري بالمواقع الثانيه..

......>مدرين شلون يضحك ويستهبل ورطه ورطه..

شكلي بالنهايه بافتح عليه مزاد بس بعد ماتعلم كل الأمور الفنيه اللي هي العزاء الوحيد إني تعلمت شغلات مهمه...

على طاري الرسم والفن وحصار غزّه اللي انتهى ....>وش جاب الطاري مافيه طاري

فيه وحده رسامه ومبدعه .. بس انها ماتعرف للنت أو أهلها مانعينها...صورت رسمه لها وأرسلتها لي...> بالغلط

عاد أنا قلت باحطها لكم وكل واحد وتعليقه..

.......>

رسمة يد .. عطوني رأيكم ..>لو سمحتوا بس المدح أوكي ههههههههه

مهايطي بن مهايطي آل مهايط