حياكم الله وبيّاكم...
السالفه ومافيها... ولاحد يزعل..
واللي يبي يزعل يقلب وجهه
السالفه ومافيها...إني من الطفش سويت هالمدونه وانبسطت عليها وعرفتني بناس طيبين حبوبين زيكم...
بس من مهايطتي الزايده ومن حب الفضول..
شريت لي من حلالي علّه...
؟؟؟
قلت يامهايطي ليش ماتلبس بشت وتصير مدير موقع...
؟؟؟
بعد تفكير وتمحيص وتدقيق..>لاتطوفكم تمحيص هذي
قلت أسوي موقع جديد...؟؟؟ لالا موقع جديد يعني تبدأ من الصفر...
إذا كنت تبي من الصفر لازم تترجى هذا وهذا ومن هالكلام......>طبعاً الشيخ مهايطي ماتعود منذو نعومة أظافره وطفولته على الشحده
كنت مرفّه وعايش أحلى طفولهـ
مروق دااايم
أحب الأخبار العالميه... لأن كان عندي أسهم بدزني لاند.. وبـ ستريت وول معروف...
سوري عالفاصل الهياطي الصغير......>عوده بعد الفاصل..
المهم أقلبها براسي يمين يسار ...> واقرر أشتري موقع معبى فل.....> سواق تكسي الأخ
المهم أشتريت موقع وصاير فيها مدير...> من قدك
ويااااااااااااااااااااااااااااااااا ليتني ما اشتريت..
انواع المغص ... اعضاء بعضهم يدبل التسبد
وبعضهم يتشكى...
ومن أدخل وأنا أعدل وأضبط ..> ياشين المسؤوليه..
عجزت ألقى وقت لنفسي....> تكفى يامدير السي ان ان
المهم والزبده إني تورطت...
طيب أنتم وش دخلكم ؟؟ مدري
نسيت المدونه..
واروح لموقع واحد من أصدغائي...وألقى عنده توقيعي يوميات مهايطي...>تذكرتكم ..> نزلت دمعتي
وأنا أعيط...> لاحد يقول بنفسه كذاب ترى داري وش بخواطركم..
المهم الحين مبتلش... بس الحمدلله فيه مراقبين موجودين من أول عطيتهم الخيط والمخيط..وأنا داير على حل شعري بالمواقع الثانيه..
......>مدرين شلون يضحك ويستهبل ورطه ورطه..
شكلي بالنهايه بافتح عليه مزاد بس بعد ماتعلم كل الأمور الفنيه اللي هي العزاء الوحيد إني تعلمت شغلات مهمه...
على طاري الرسم والفن وحصار غزّه اللي انتهى ....>وش جاب الطاري مافيه طاري
فيه وحده رسامه ومبدعه .. بس انها ماتعرف للنت أو أهلها مانعينها...صورت رسمه لها وأرسلتها لي...> بالغلط
عاد أنا قلت باحطها لكم وكل واحد وتعليقه..
.......>
رسمة يد .. عطوني رأيكم ..>لو سمحتوا بس المدح أوكي ههههههههه
مهايطي بن مهايطي آل مهايط
مـــــــرحبا..
ردحذفاحلى شي الطفوله <<< الظاهر انها العكس.
المهم..
رسمها مره حلو (ماشالله)
وبس.
غاوي وجع راس!
ردحذفالصورة حدها نايس ما شاء الله تسلم ايد صاحبتها
واعذرني على تعليقك اللي انمسح:$
السلام عليكم
ردحذفاوف اوف مدير من قدك والله
تصدق امنيتي اصير موديرة << ماتلمح لشي
الموهم الله يعينك ع المسؤاليه
المسؤاليه صعبه<< فيس يصيح
والرسمة
مشاء الله تبارك الله
ابدااااااااااااااااااع
أحساس طفلة
:) داير على حل شعرك فالمواقع الثانية <<< احساس جميل يوم تودر كل شي وراك وتحصل حد يمسك شغلك لوول :)
ردحذفاهم شي الدموع .. لا تعيط !! .. حياك وولكم باااك ..
اسلوب مميز :) .. تجبر الكائنات الحية المبوزه انهم يبتسمون!
:)
ههههه لآحول ولآقوة آلآ بالله ..
ردحذفآلله يعينك ..
مهايطي بن مهايطي آل مهايط/ هذي لحآلهآ توحفه ههه
الله يسعدك مدونه جميله ^_^
ههههههههههه
ردحذفوانا اقول وين هالغيبه
معقول المناصب تغيير الناس جيه؟
الرسمه وايد حلوه
البنت ماشا الله عليها فنانه
لازم نمدح مجبورين
لووووووووووووول
يلا عاد لا تصدق عمرك انك صرت مدير وتطول الغيبه
ترى مردك للمدونه
وعلى راي المثل
ما طار طير وارتفع الا كما طار وقع
ارفع معنوياتك انا صح؟
لوووووووووووووووول
حلوة الرسمة .. وايد معبرة ..
ردحذفدمت بود ..
هلابك ساره
ردحذفشرفتيني بمرورك
... بالعكس طفولتي زي ماشفتي بالصور....> بدون حلف
حياك الله وسوري ع التأخير بالرد بس تعرفين مشاغل طويل العمر وماهو فاضي هالأيام
ههههههههه
هلابك كبرياء ورده مايحتاج حضورك يكفي عن التعليق بس ثاني مره لاتجين ويدك فاضيه ...> الى متى نعلمكم الذوق
ردحذفحياك بأي وقت
كل شي تامرين فيه حاضرين للطيبين إلا الفلوس
ههههههه
إحساس طفله
ردحذفودك تصيرين مديره تعالي حياك بالموقع وسنتري فيه مدة اسبوع ليل نهار ابي اشوف اسمك
واعطيك مراقبه واكتب تحت اسمك صديغة المدير ههههههههههههههههههههههه
محشومه
اكتب تحت اسمك ياويل اللي يقرب منها يروح بستين داهيه
شكراً على مدح الصوره ولو أن راعيتها ماتدري وش الطبخه ههههههههه
ليل.د
ردحذفليل الدمار..> مترجم اللغه السواحليه سابقاً
حياك الله
فيه مراقبتين جزاهم الله خير محافضات وحطيت معهم مراقب مصرقع ... الله يعينني على الصداع ...صرت بين التيار السلفي...> الأخوات لكن بدون لحى وبين المنفتح مدري المتفتح خويي ههههههه
تسلمين ع المرور والتعليق ...لاعدمتك
عروس الأشعار.....> ياشين اللي يمدح نفسه
ردحذفحياتس الله وبقاتس
التحفه والله مرورتس وتعليقتس تس تس تس تس ...> مركب صدى
الله يخليتس ويطول اذانيتس مشكوره
هلا بصاحبة السمو طويلة العمر أقصوصه....> يقولون طويل العمر ابليس بس انا اقول مايطق اصبع مع الحريم
ردحذفحياك الله وبياك وبوظيفتك رقّاك
مانتغلى الا ابتلشنا يامن شراله فروم هيز موني علّه
نرجع وحنا مبتلشين
بس اكتشفت شي ...
اذا صرت مدير غصب تصير نصاب ...صراحه مالوم وزير التجاره والماليه الإداره تعلم النصب...> عايش الدور هو وموقعه ههههههههه
شكراً لقلمك ولمروركـ
انسانه ...> لا كذا ادوخ انا وش هالرومانسيه
ردحذفاذا كلمتين كان بإمكانك تشربين فنجال وتاخذين شرهتك وتمشين
حياك الله وبياك
شرفتيني بمرورك أختي
اسلوب رائع
ردحذفوالصوره معبرهـ بالفعل والله يعينك ويامن شراله من حلاله عله خخخخ
( يامن شرا له من حلاله عله ) !
ردحذفصراحه انا مسويه اضراب عن المواقع و المنتديات ,,
كرهتها كره العمى ,,
بس عندي فضوووول بيذبحني اعرف موقعك :)
بالنسبه للرسم راائع و فكره حلووه ,,
و خسارة انها ما تقدر تشاركنا بالمزيد :(
دمت بخير ^^